Bar Restorant Piceri AML Leonard

JETO ME LAJMIN !

ADRESA: Bul. "Zogu Parë", Pallati 7-katësh
Përballë Zërit të Popullit, Tiranë
Email: info@dielli.al  Cel: 069 60 43 503

Kryesore

Keni gjobë për kundravajtje, shikoje on-line!
TIRANË – Të gjithë personat që kanë gjobë për kundravajtje rrugore, kanë mundësi ta verifikojnë edhe online përmes shërbimit që ofron policia e shtetit. Burimet zyrtare bëjnë të ditur se “të gjithë të interesuarit mund të klikojnë tek faqja e Policisë së Shtetit në internet, ku në rubrikën “Shërbime për qytetarët” është vendosur linku “Kontroll për kundravajtjet rrugore”.

“Duke klikuar në këtë link qytetari lidhet automatikisht me sistemin Elektronik të administrimit të kundravajtjeve rrugore- Egjoba të Policisë së Shtetit, i cili bën të mundur verifikimin e detyrimeve të pashlyera që qytetari ka në të gjithë Shqipërinë”, - thuhet në njoftimin zyrtar.

Të gjithë drejtuesit e mjeteve, të cilët kanë gjoba të vendosura nga shërbimi i Policisë Rrugore të papaguara, në zbatim të kërkesave ligjore të parashikuara në Kodin Rrugor,  të drejtohen në sportelet e Bankave dhe të Postës Shqiptare për të paguar detyrimet që ata kanë.

Në mënyrë të veçantë, Policia e Shtetit fton të gjithë qytetarët, që kanë ndërmend të udhëtojnë jashtë vendit me mjetin e tyre, por dhe kompanitë e transportit ndërkombëtar të udhëtarëve, që të kryejnë verifikimet në faqen zyrtare të internetit të Policisë së Shtetit në adresën www.asp.gov.al, për kundravajtjet rrugore të pa likuiduara të mjeteve në pronësi të tyre, me synim pagesën në kohë të detyrimeve, duke evituar kështu vonesat e panevojshme në pikat e kalimit kufitar.

Burimet policore sqarojnë se “shërbimet e Policisë Kufitare dhe të Migracionit, si dhe shërbimet e Policisë Rrugore do të jenë në dispozicion të çdo drejtuesi mjeti dhe subjekti të interesuar, me synim krijimin e të gjithë lehtësirave të nevojshme për të mundësuar pagesat e gjobave të prapambetura (duke u vënë në dispozicion kopje të fletë-gjobës) dhe kalimin e mjeteve për në destinacionin e tyre jashtë vendit pa vonesa”.

Sipas nenit 203 të Kodit Rrugor, drejtuesit e mjeteve mund të paguajnë gjobën e vendosur nga Policia Rrugore, brenda 5 ditëve pa kamat vonesë, duke përfituar një ulje prej 20% të vlerës së gjobës. Me kalimin e afatit 5 ditor vlera e gjobës shtohet me 2% kamat për çdo ditë vonese. Pas 1 Muaji nga data e vendosjes së gjobës Policia ka detyrimin sipas ligjit, të bllokojë mjetin deri në pagesën e gjobës.

 

 
Shtuar më datë 05-12-13 17:47 / Dielli.al


1,531  Shikime Gjithsej 8  Shikime Sot

 

Lajme te tjera SOT

dielli.al mobile

JETO me SHËNDET

Jeto me Shëndet nga DIELLI.AL
Salliu 2G
Lajthiza
GOLDBET.AL
Ankand ne Dielli.Al
dielli.al  pershendet nismen SI JE
dielli.al i bashkohet nismes Jo Duhanit

Fut adresen email:

dielli.al toolbar
horoskopi dielli.al
dielli lojra

Dielli.al ju sygjeron

Sarandë, historia e 40 murgjëve dhe ushtarëve që u vranë

Lexo me shume »